మైదుకూరు

ఈ పట్టణము లోని ప్రసిద్ధ మాధవరాయ స్వామి పేరు మీదుగా ఈ పట్టణానికి మాధవకూరు, క్రమేణా మైదుకూరు అనే పేరు స్ఠిరపడినది అని చెబుతారు.

2014 వ సంవత్సరంలో కడప యోగి వేమన విశ్వవిద్యాలయం చరిత్ర శాఖ మైదుకూరు రాణిబావి వద్ద ఉన్న మల్లుగానిబండపై ఆదిమానవుని రేఖాచిత్రాలను గుర్తించారు. ఆ చిత్రాలను అధ్యయనం చేసి అవి కొన్ని బృహత్ శిలాయుగం, నవీన శిలాయుగానికి చెందినవిగా చరిత్ర అధ్యాపకులు తేల్చారు. ఆ చిత్రాలను విశ్వవిద్యాలయ ఉపకులపతి ఆచార్య బేతనభట్ల శ్యామసుందర్ 2014 నవంబరు 30 శనివారం విడుదల చేశారు. చరిత్ర పురావస్తుశాఖ విభాగాధిపతి డాక్టరు రామబ్రహ్మం, భూవిజ్ఞానశాఖ సహాయాచార్యులు డాక్టరు కె.రఘుబాబు, చరిత్ర పురావస్తుశాఖ పరిశోధక విద్యార్థి ఎస్వీ శ్రీనివాసులు, మైదుకూరుకు చెందిన రాజేష్ రేఖచిత్రాలను కనుగొన్నారు. ఈ సందర్భంగా వారు మాట్లాడుతూ బద్వేలు జాతీయ రహదారి నంబరు 26 నుంచి 9 కిలోమీటర్ల దక్షణం వైపు కడప హరివనం (కడప బేసిన్) రూపాంతర ప్రాప్త అవశేష శిలలతో నిర్మితమై ఉందన్నారు. ఈ శిలలను క్వార్త్జెట్ శిలలంటారని చెప్పారు. ఇవి కార్జ, ఐరన్ ఆక్సైడ్‌లతో నిర్మితమై ఉంటాయి. ఈ రాతి నివాసం స్థానికంగా దివిటి మల్లన్న బండ, మల్లుగానిబండ పేరుతో పిలుస్తారని తెలిపారు. ఈ రాతి ఆవాసంలో సుమారు 100 వరకు మానవుల, జంతువుల రేఖాచిత్రాలు వివిధ భంగిమల్లో తెల్లని రంగుతో చిత్రించారన్నారు. త్రిశూలాన్ని ధరించిన మానవులు, తోడేలుపై చేతిలో రెండు వైపులా త్రిశూలాన్ని ధరించిన మనిషి ప్రయాణం, బంతిని చేతబట్టిన మానవులు, తలకు కవచం, గుర్రంపై ఖడ్గంతో పల్లకిలో ప్రయాణించే వీరుడు, గాడిదలతో తలపడే సన్నివేశాలు, చెట్టుపై తేనెపట్టు ఇలా పలు రకాల రేఖాచిత్రాలు గుర్తించామన్నారు. ఇవి కెయోలిన్ అనే బంకమన్నుతో గీశారని వేల సంవత్సరాల కాలం నాటివిగా వివరించారు. ఆదిమానవులు ఉమ్మిని, జంతువుల కొవ్వును, ఎముకల పొడిని జిగురు పదార్థంగా ఉపయోగించారని చెప్పారు.[2]

ఈ ప్రాంతంలో ఎక్కువగా వరి, కృష్ణాపురం ఉల్లి, పసుపు, ప్రొద్దు తిరుగుడు, మిరప, టమేటా పంటలు సాగు చేస్తారు. ఇక్కడ పండంచే కృష్ణాపురం ఉల్లికి సింగపూర్, శ్రీలంక తదితర దేశాలలో మంచి గిరాకీ ఉంది. ఈ ప్ర్రాంతంలో పాడి పరిశ్రమ కూడా బాగా వృద్ది చెందింది. ప్రతి శనివారం జరిగే 'సంత' లో పెద్ద ఎత్తున క్రయ విక్రయాలు జరుగుతుంటాయి.

• పూర్తి వ్యాసం మైదుకూరు శాసనసభ నియోజకవర్గంలో చూడండి.

కడప మార్గం లోని షాహీ మసీదు

• శ్రీ పిచ్చమాంబ మఠం, వనిపెంట రోడ్డు, పోరుమామిళ్ళ మార్గము
• కొత్త పాలెం శ్రీ ఆంజినెయ స్వామి, కొత్త పాలెం, కడప మార్గము
• శ్రీ షిర్దీసాయిబాబా దేవాలయము, కడప మార్గము
• షాహి మసీదు, కడప మార్గము
• మాధవరాయ స్వామి దేవాలయము, నంద్యాల మార్గము
• సి.యస్.ఐ. షాలోము చర్చి, సాయినాధపురము
• శ్రీ రాములవారి గుడి, నంద్యాల మార్గము
• పంచముఖ ఆంజనేయ దేవాలయము, పార్వతీ నగర్, నంద్యాల మార్గము
• వాసవి కన్యక పరమెస్వరి ఆలయము,నంద్యాల మార్గము

ప్రభుత్వ విద్యాసంస్థలు

ప్రైవేటు విద్యాసంస్థలు

• శ్రీ వివేకానంద స్వచ్ఛంద సేవా సంస్థ వారు గత 9 సంవత్సరములుగా 1000 మందికి రక్తదానాన్ని అందించారు.[3]. అత్యవసర పరిస్థితులలో రక్తం కావలసినవారి ఈ కేంద్ర సభ్యులైన ఆకుల వెంకట శివరాం (9885040477) ని కాని లేదా దాసారెడ్డిగారి ఓబయ్య (9030631910) నికాని సంప్రదించగలరు. ఈ బృందసభ్యులు అన్ని వేళలా రక్తదానానికి అందుబాటులో ఉంటూ ఎందరో ప్రాణాలకు ఊపిరి పోసారు. జిల్లా వ్యాప్తముగా అనేక పురస్కారాలను ఆందుకొన్నారు.

• ప్రతాప్ వసతి గృహము,బద్వేలి మార్గము
• శ్రీలేఖ వసతి గృహము,బద్వేలి మార్గము
• విజయ వసతి గృహము, కడప మార్గము
• వేంకటేశ్వర వసతి గృహము,బద్వేలి మార్గము

• ఆంధ్రప్రదేశ్ రాష్ట్ర రోడ్దు రవాణా సంస్థ, కడప మార్గము
  

  ఆంధ్రప్రదేశ్ రాష్ట్ర రోడ్దు రవాణా సంస్థ బస్సులు నిలుచు ప్రధాన కేంద్రము

మండల కేంద్రము మైదుకూరు

గ్రామాలు 16

ప్రభుత్వము - మండలాధ్యక్షుడు

జనాభా (2001) - మొత్తం 72,356 - పురుషులు 36,899 - స్త్రీలు 35,457

అక్షరాస్యత (2001) - మొత్తం 57.58% - పురుషులు 72.68% - స్త్రీలు 41.91%

• ప్రస్తుత ప్రజా ప్రతినిధిగా డి.ఎల్.రవీంద్రా రెడ్ది, కాంగ్రెస్ పార్టీ తరపున ఎన్నిక కాబడ్దారు. ఈయన 2014 వరకు ఈ పదవిలో కొనసాగుతాడు.
• 2009 ఎన్నికలలో కాంగ్రెస్ పార్టీ తరపున డి.ఎల్.రవీంద్రా రెడ్ది, తెలుగుదేశం తరపున ఎస్.రఘురామిరెడ్డి, ప్రజారాజ్యం తరపున ఇరగం రెడ్డి తిరిపేలరెడ్డి త్రిముఖ పొటీలో పాల్గొన్నారు.వీరిలో డి.ఎల్.రవీంద్రా రెడ్ది 7000 ఓట్ల తేడాతో తన ప్రత్యర్థులపై విజయం సాధించారు.

• మైదుకూరు వెబ్ సైట్